Құрметті көрме қонақтары мен қатысушылары! 

Қазақстан тасымалдаушылары мен вагон (контейнер) операторларының ассоциациясы (ҚазТОА) және Қазақстан Республикасының Ұлттық экспедиторлар қауымдастығы (ҚРҰЭҚ) атынан сіздерді 29-шы Халықаралық TransLogistica Kazakhstan көрмесінде қарсы аламын! 

Бүгінде Қазақстанның көлік-логистика саласы ауқымды өзгерістер кезеңін бастан өткеруде. Логистикалық тізбектер өзгеруде, халықаралық тасымалдардың географиясы кеңеюде, көлік қызметтерінің тиімділігіне, цифрландырылуына және сапасына қойылатын талаптар артып келеді.

Осы жағдайда мемлекет пен бизнестің сындарлы өзара іс-қимылы ерекше маңызға ие. ҚазТОА мен ҚРҰЭҚ Қазақстанның көлік-логистика нарығының жетекші компанияларын біріктіріп, тасымалдауды ұйымдастыру мен экспедиторлық қызмет көрсетуден бастап, вагон паркін басқару және жүк қатынасын қамтамасыз етуге дейінгі саланың негізгі сегменттерін қамтиды. Қауымдастықтардың мүшелері болып табылатын компаниялар жүк тасымалдарының елеулі бөлігін қамтамасыз етіп, елдің көлік жүйесінің тұрақты жұмыс істеуіне қомақты үлес қосуда.

Қауымдастықтар кәсіби қоғамдастықтың шоғырландырылған дауысы ретінде әрекет етіп, мемлекеттік реттеу, заңнаманы жетілдіру және саланы одан әрі дамыту үшін жағдайлар қалыптастыру мәселелерінде нарыққа қатысушылардың мүдделерін білдіреді. Біз жұмыстың ашық әрі бәсекелі қағидаттарын, инфрақұрылымды дамытуды, процестерді цифрландыруды және тасымалдардың тиімділігін арттыруды дәйекті түрде қолдаймыз.

TransLogistica Kazakhstan — бұл заманауи шешімдер мен технологияларды таныстыруға арналған ірі алаң ғана емес, сонымен қатар жаңа іскерлік байланыстар қалыптасатын, саланы дамытудың стратегиялық бағыттары талқыланатын және болашақ серіктестіктердің негізі қаланатын диалог алаңы.

Биылғы көрме тәжірибе алмасу, жаңа мүмкіндіктерді іздеу және Қазақстанның және бүкіл Еуразияның көлік-логистика кешенінің заманауи міндеттеріне жауап беретін бірлескен шешімдерді әзірлеу үшін тиімді алаң болады деп сенемін.

TransLogistica Kazakhstan көрмесінің қатысушылары мен қонақтарына жемісті жұмыс, табысты келіссөздер, жаңа жобалар мен сенімді серіктестіктер, ал көрмеге одан әрі даму мен өңірдегі жетекші кәсіби алаң мәртебесін нығайтуды тілеймін!

 Құрметті ханымдар мен мырзалар!

Құрметті «TransLogistica Kazakhstan» 28-шы Халықаралық көрмесінің қатысушылары мен қонақтары «Қазақстан темір жолы» ұлттық компаниясының атынан сіздерді көлік саласы үшін маңызды оқиғаға қарсы алуға рұқсат етіңіз.

TransLogistica Kazakhstan көрмесі көлік және логистикалық қызметтерді ілгерілетудің тиімді тәсілі, сондай-ақ көлік нарығында көрсетілетін қызметтердің тиімділігін, қауіпсіздігін және бәсекеге қабілеттілігін арттыру мақсатында қатысушылардың тәжірибесімен алмасу үшін маңызды алаң болып табылады.

Елдің транзиттік әлеуетін арттыру, сондай-ақ Қазақстанды өңірлік сауда хабы ретінде дамыту мақсатында Мемлекет басшысы Қ.К. Тоқаевтың тапсырмасы бойынша "ҚТЖ" ҰК" АҚ инфрақұрылымды кеңейту, логистикалық функциялар мен құзыреттерді күшейту, логистика процестерін цифрландыру, транзиттік маршруттар мен өңірлік хабтарды дамытуда жұмыстар жүргізуде.

Бүгінгі іс-шара Қазақстанның және көрменің барлық қатысушыларының көлік әлеуетін дамытуға үлкен үлес қосады, әріптестік қарым-қатынастарымызды одан әрі дамытуға жаңа серпін береді, қойылған заманауи сын-тегеуріндерге қол жеткізуге шабыттандырады.

Қазіргі уақытта көлік нарығындағы серпінді өзгерістер жағдайында «TransLogistica Kazakhstan» қатысушылар үшін кездесу орны болатынына және ұзақ мерзімді әріптестік қарым-қатынастарды құруға іргетас құруға көмектесетініне сенімдімін.

Көрмеге қатысушыларға, қонақтар мен ұйымдастырушыларға жемісті жұмыс пен табыс тілеймін.

Құрметті көрмеге қатысушылар мен қонақтар!

28-ші TransLogistica Kazakhstan Халықаралық көрмесіне Қазақстан Республикасының Ұлттық экспедиторлар қауымдастығы (ҚРҰЭҚ) және Қазақстан тасымалдаушылары мен вагон (контейнер) операторларының ассоциациясы (ҚазТОА) атынан қош келдіңіздер!

Екі қауымдастықтың құрамына кіретін компаниялар Қазақстан Республикасының Президенті Қасым-Жомарт Кемелұлы Тоқаевтың тиімді, бәсекеге қабілетті және орнықты көлік-логистикалық жүйені құру жөніндегі алға қойған міндеттерін іске асыруға белсенді тартылған. ҚР Көлік министрлігімен, ҚР Ұлттық экономика министрлігімен, "Қазақстан темір жолы "ҰК" АҚ, "Атамекен" ҚР ҰКП және басқа серіктестермен бірлесіп еліміздің көлік кешенін дамытуға бағытталған жобалар іске асырылуда.

ҚРҰЭҚ пен ҚазТОА экспедиторлардың, вагон иелері мен тасымалдаушылардың мемлекеттік органдарда да, халықаралық алаңдарда да құқықтары мен заңды мүдделерін білдіреді, қорғайды. Бизнестің бастамалары мемлекеттік техникалық саясатта көрініс табады, көлік нарығына қатысушылардың қызметін реттейтін нормативтік актілер жетілдіріледі.

TransLogistica Kazakhstan бизнес, мемлекет және кәсіби қоғамдастық арасындағы сындарлы диалог үшін маңызды халықаралық платформа болып табылатынына сенімдімін. Көрмеге қатысу саланың ағымдағы сын-қатерлерін талқылауға, практикалық тәжірибе алмасуға, іскерлік байланыстарды нығайтуға және серіктестіктің жаңа көкжиектерін ашуға бірегей мүмкіндік береді.

Көрменің барлық қатысушыларына табысты және нәтижелі жұмыс, қойылған мақсаттарды іске асыру, жаңа жетістіктер мен өркендеу тілеймін!

Құрметті көрме қатысушылары мен қонақтары! 

«Атакент» ҚІЫО» АҚ атынан және жеке өз атымнан сіздерді салалық экспо-іс-шарада қарсы алғаныма қуаныштымын! Біздің көрме орталығымыз – бұл отандық және халықаралық компанияларды, түрлі салалардағы сарапшылар мен кәсіпқойларды біріктіретін Оңтүстік астанадағы жетекші алаң.

Қазақстандық «Iteca» көрме компаниясының көрмелері бірнеше жылдар бойы тауарлар мен қызметтерді жарнамалауға арналған көрме алаңы ғана емес, бизнесті дамыту, серіктестік байланыстарды орнату және инновациялық шешімдерді ілгерілету үшін тиімді құрал болып келеді. Көрмеге қатысу компаниялар үшін өсуге жаңа мүмкіндіктер ашып, тұтынушыларды табуға және ынтымақтастық аясын кеңейтуге көмектеседі.

«Атакент» ҚІЫО» АҚ көрме индустриясын дамытуға ықпал етіп, ең жоғары деңгейдегі іс-шараларды өткізуге қолайлы жағдай жасайтынына мақтанады. Биыл біз экспоненттер мен келушілер үшін қосымша мүмкіндіктерді қамтамасыз ету мақсатында жалпы ауданы 3 800 шаршы метрді құрайтын жаңа павильондарды аштық. Павильондар ауқымды іс-шараларды өткізу үшін қажетті барлық заманауи техникалық құралдармен, тұрақ орындарымен және жұмысқа ыңғайлы жағдайлармен жабдықталған.

Көрме кешенінің инфрақұрылымын кеңейту көптеген елдерден қатысушыларды тартуға, халықаралық ынтымақтастықты дамытуға және іскерлік байланыстарды нығайтуға ықпал етеді. Біз қатысушылардың көп бөлігі өз жобаларын таныстырып, бизнестің шекарасын кеңейте алатын алаң құруға ұмтыламыз.

Мен жаңа павильондардың еліміздің көрме индустриясын дамытудағы маңызды қадамға айналатынына, ал көрме аясындағы әрбір кездесу сіздерге жаңа идеялар, пайдалы таныстықтар және перспективалық келісімдер әкелетініне сенімдімін.

Барлық қатысушыларға табысты жұмыс, нәтижелі кездесулер және ең батыл мақсаттардың жүзеге асуын тілеймін. Сіздер үшін жаңа перспективалар мен өсу мүмкіндіктері ашылсын!